人生就系連綿不斷o既選擇題

究竟返唔返揀唔揀個項運動好呢
究竟返唔返運動會好呢
究竟去唔去個度坐好呢
究竟要唔要一齊玩好呢
究竟溫唔溫軍機處好呢
定系溫內閣好d呢

相信我地班(7A)會面臨以上部分選擇題
其實呢D選擇題都無答案GE
選擇左第2個答案就會有第2種結果
呢個咪所謂O既「平行世界」囉
不過
好可惜呢D都系假設
無希特拉又會唔會有冷戰呢?
無人知嫁啵
叮噹都唔知啦
唉
你話系唔系死症丫
呢種選擇題仲衰過中文O既四式題

人生就系不斷的考試

當你發覺求學時期
考試好辛苦
你就以為踏入工作時期就唔需要面對

點不知....

做政府工
要求公務員試

做專業人士
除左d專業試之外
每年可能要考試保証你自己o既質素

做普通上班族啦
睇落無乜考試
但系無啦啦整個突然的僱主考核
要「西」走d廢人個時
原來系變相的考試

唔通要踏入退休
先無考試...

自願與強迫只系一線之隔

有好多事物表面上系自願
事際上系強迫
就好似校規寫明頭髮要點點點點
當你睇到之後
其實你會覺得幾唔合理
但系
,............
當你在細想一下
就覺得無為同學校對抗啦
損己不利人而已
咁就好似好情願咁去就住d校規黎飛髮
不過
事實上系強迫的

其實我唔系話要投訴d咩
我好清楚校規的用處
只系對我黎講有點事不關己
只系
我覺得中學真系好廢
基本上系一間「機械人」學校
基本上是想量產某一類人
慢慢就會變成韓國人咁

人生同打機一樣都有Bugs

其實我地o既人生好多時都會出錯
揀錯野
有人會揀錯左理科
有人都會揀錯左文科
呢d錯誤就好比Bugs一樣
系意料之外黎

其實我出世系香港都可能系Bugs
唔想考AL
唔知我o既人生又會有幾多Bugs呢

人生就系要狂跑喪跑

點解要咁努力讀書?
點解要限時考試?
點解一定要45分鐘寫一條essay?
應該無乜可能系45分鐘入面寫好一條essay的
相信大家都系半斤八兩
點解香港咁少大學?
點解唔可以多多八間出黎?

原來答案
就系因為我地要跑跑跑
追趕呢個社會
唔系我地變
而系社會變
正正因為我地創造唔到呢個世界
所以先要追隨別人為我地所開發的呢個世界
慢慢發現一d鮮為人知o既事實
再製造另一個事實出黎